منتديات شاملة تعليمية ترفيهية
 
الرئيسيةالتسجيلدخول

شاطر | 
 

 ارقى الابوذيات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسام البصراوي
عضو جديد
عضو جديد


المزاج :
البلد :
الجنس : ذكر
الأوسمة :
عدد الرسائل : 5
العمر : 28
تاريخ التسجيل : 14/09/2009
نقاط : 5287
السٌّمعَة : 0

مُساهمةموضوع: ارقى الابوذيات   الإثنين سبتمبر 14, 2009 10:58 pm


التفت ليه بسهم عينه رماني
متت جن من جبل عالي رماني
حلو وفوك القهر لابس رماني
شفته وطحنه انه وروحي سويه



اسمر وبعينة صدلية
صادني وانا جنت اظن هو صيدلية
اصوابك بالكلب مافادة طيب لادوى صيدلية
بـــــــــس جيتك تشفي كل مرض بية



ياترف نعجر ولا نكدر_ نصف بيك
وربك بالحسن كلش_ نصف بيك
نص بيه صفه كلبي و_ نصف بيك
ضل يون عليك الباقي بيه



بس احنه الفرح شو ما شملنه
اخذ عطر الحزن صاير شم النه
اخبرك راح واتفتك شملنه
لان صار الاخو يذبح بخيه


اسمك دوم بلساني ورد بيه
وعلى دربك كمت رايح ورد بيه
كل ضني الصخر يطلع ورد بيه
اشمه ويخف كل الهم عليه


يهل صار الهجر ثوبك وصفتك
سألني شبيك دكتوري وصفتك
گلي روح ما تحصل وصفتك
ولا يحصل دواك بصيدليه


فلم صاير زماني وانا مشهد
اكللها اشهدي عليه تكلي ابد مشهد
تحلفني بمقام الرضا اب مشهد
تكلي ابن عمي اصيحه اذا تحجي عليه



اسمك حلو ابوك شلون سماك
وصديقك لو زعل وياك سماك
انا الصرت سمج وانته الي سماك
من اطيح بشبكتك دعطف عليه


بمحبتك ماأميز شمس من في
وانا بظلمت عيونك صرت منفي
دمدأيدك ابكلبي وشوف من في
غيرك يالتدك ويا سوية



اسمك دوم بلساني ورد بيه
وعلى دربك كمت رايح ورد بيه
كل ضني الصخر يطلع ورد بيه
اشمه ويخف كل الهم عليه



احذر ياقلب تسمع وعدهن
شكثر دكات احسبهن وعدهن
يضل الفكر هاجرني وعدهن
بعكل مجنون مدري شصار بيه



على شلكم يهل عذال ينصاب
تعذلوني ودمع العين ينصاب
يطيب الي بضربة رمح ينصاب
لجن جرح اللسان البيه اذيه



يل سهمك لحد حشاي مارد
أظل وياك لأخر نفس مارد
جم مرسال الك رديت ومارد
وظرف منك فلا وديت اليه



اريد اجمع اتعاب الصيف لشتة
وخلها تكول عني اشتعل لشتة
نشوف فلان من العقل لشتة
وشتاي بهل زمان ارحم اليه



لاتعتب تعيد الفات ومضة
اخذ مني سند ديوان ومضة
اذا منك اشوف النوب ومضة
اجيبلك ضوة نجوم الثرية



صارلي سنين احبك وانت جاري
هلي منعوني وصـلك وانت جاري
الناس ورود خــده وانت جوري
خاف تذبل من الزمـك بين ادية



من هجــــرك بلب احشاي وسم
يخايب ليش بيـــه تبيع وتسم
اخير الروح بين الخنك والسم
السم والخنك رادتهن ســـويه



احبابي و اعز من صحتي صحتهم
جفوني و لا ضمايرهم صحتهم
بديه اعنت و بلساني صحتهم
سمعوا شافوا و لا فزعوا عليه



احبابي شلون حالتكم بعدنه
شبيدينه والزمن عنكم بعدنه
اذا انتم نسيتو احنه بعدنه
بذكركم كل صباح وكل مسيه



سجاجين الدهر بحشاي بردان
حزني وصرت بالصيف بردان
كمت مجبور اشد اردان بردان
ولاحد من الشماته مد جفوفه اليه



يهل صار الهجر ثوبك وصفتك
سألني شبيك دكتوري وصفتك
گلي روح ما تحصل وصفتك
ولا يحصل دواك بصيدليه


هي- هجرك ياولف صاير بلا حد
مثل سيف اليكص ركبة بلا حد
وكلتلي انتظري انا ارجع بلأحد
اجه الاحد ويمته تعود اليه


هو- احد سجين صبري وجن ولاحد
التفتت وماشفت ربعي ولاحد
وجم سبت اليمر بيه والاحد
اجي بس شوفتج تصعب عليه


هي- لتهم بالعمر خلصان وحده
وانا ضعني سرى بالهوى وحده
حلت جنها بعيونك غير وحده
كمت ماتسأل ولاتمر بيه


هو- غيرج ماحلى بعيني ولاطاب
ولادونج دخل قلبي ولاطاب
ياجرحي وياج لاهود ولاطاب
دم ينزف ولاتدرين بيه


هي- محبتك تجري وي روحي ويدماي
وعليك انشلت عظامي ويدماي
انجويت بيد انا ناري وبيد ماي
ولكن من يطابكهن سويه


هو- عليج الروح راحت من يردها
وكيحة همومي صارت من يردها
خطية الروح ملت من يردها
لأن بس الصبر يسأل عليه.



يكلبي ما نفع تعبك ولا ارباك
وحصتك صارت الدوخة والارباك
بطريقك بعد ما اعاين ولا اربيك
من اطيعك هم تردني لحلك حيه



لأن طكات شماتي بهاماي
وشل لاتظن عيني بها ماي
اذا عالذل رضى يبصم بهامي
أكطعه انجان يرضالي برديه



انا الواضح والمبين ولااخاف
وانا الما رجفن جدامي ولا خف
وانا الما نكص وزني لاخاف
اختفيت وخفت خف وزن العليه



حبيبي جروح الك بالروح حالا
وامس جنت احسن من اليوم حالا
اريدك تنتخيلي وتجي حالا
باجر وين ما تلحك عليه



تتنخه تريد اجيك اليوم بالحال
وانت اعرف حبيب الروح بالحال
شمحلها وياك ماتقتنع بالحل
ادليك الدرب وترد عليه



الحديث بشاهده كالو وربطه
مو كلمن لبس بدله وربطه
حجه وماضام زلاته وره ابطه
يسولف طن ولا تصفه وكيه



روحي المجد والعليه وكرها
الرؤس الخانعه اكطعها واكرها
اموت من البخل واهله واكرهه
وجريمه اشعر بخيل يسوس بيه



آنا الدوه لعلاتك وانا الداي
وجريمه انت اصبحت خصمي ونداي
المثلك حصو ما نكط ولاداي
الحصو بنص المحيط ويشع ميه



النوايب جلد صبري ما انزع الها
ولو بالقوس ما ظل منزع الها
حبيبه تروح عني منو زعلها
اذا تزعل يدور الفلك بيه



هاك اخذ الجروح وياك هارف
ها دك الكلب بجفاك ها رف
مثل خزلة غنم والشوف هارف
شتن مشن كل وحده بنويه



حليم وعقل عندك جنت ذا راي
وجنت نسمة عذيبي وصرت ذاري
شبيك وي الغنم سرحت ذاري
رايك والعقل راحن سويه


مصايب عالكلب نصبو وللو
الهلبت ما نفعني بعد واللو
احبابي بلا ذنب للغير ولو
طبعهم غدر مابيهم حميه



الزمان بفركتك حزين حزنا
وعلى كل الحزن والنوح حزنا
تعال اعلى الدليل وشوف حزنه
مغيم ما صفه ومخبوط ميه



انا الما اكرر بحجي ولا اعيد
ولا احسب بزلاتك ولا اعد
شمالك ما تمر بيه ولا عيد
الخلل مدري بجنابك مدري بيه



جثير هموم اعاين حاسبلها
وانا لايام ضيجي حاسبلها
صفت والذيب اجاها حاس ابلها
راعي البل غفه واثر عليه



وحك من كون الاكوان وابسط
انا اسهل من نسيم الريح وابسط
جنت املك مخدة صوف وبساط
الاجوني فرهدو ذني من اديه



ابد ما يرحم الطايح وكتنا
جمعنا ورجع طشرنا وكتنا
اصيح اعلى الفرح اوكف وك اتنه
تركني وما سمعني ورد عليه



شنفعني الجو يصاحب من خلالي
اخذ ربعي واخوتي من خلالي
جثيرة ذيول عبرت من خلالي
الزلم واشباهها عبرت عليه



الطيبه ارضاع طيب منتجلها
ويشب للشيب بيها منتجلها
حب حيدر الروحي منتجلها
ابو الحسنين حماي الحميه


احلوگ الماحچت بالحگ لطه
الولي نعم الولي حيدر لطه
ابكرم حلمه او بحر علمه لطه
الناس اوفاضت بخيره البريه


الدنيا دار لهوك من تمرها
لآخرتك تزود من تمرها
لا تترك معرضه من تمرها
المثل مضروب دنياتك فنيه


لبو الحسنين اشچي الهضم والهم
من جور الهر والبشر والهم
ثار اجدادهم بالصبر والهم
بالطف وانسبه بالغاضريه


اريد ارحل عن بلادي ولاعود
سيگارة مابقت عندي ولاعود
ولا اتذكر ناي بلادي ولا عود
من كثر المصايب اللي نزلت علية


انت الشمس وانت البدر منهل
وشفافك طعم العســل منهل
گلبي بس إلك ياتــرف منهل
الورد من تمر ياخـذ لك تحيه


والاكوان
عليااظلمت الدنياوالاكوان
بكثر نوحي على اعزازي والاكوان
يشيال النعش ريض ولك وين
دخلي نوادعه كبل المنيه


يدنيه انتي بعذابي ليش تسعين
بعزم الله شمعندج ضيج تسعين
ربعي بيوم ظرفي دبس تسعين
يوم النشف ما منهم بجية


دواي الشح علي واخوي الصيدلية
نظرلي بعين حاقد صد لية
طرت كال العدوي صيدلية
تعذر بس اخوي الحطها بية


انة اول احبك واخر اني
وسبب العطلني اجيلك واخراني
الگلب من ردت اشبگك وخراني
ركض مني يشبكك كبل ادية


خلص گلبي من الهجران والصد
او ونيني يفلش الجدران والصد
كل الناس تهوه الگنص والصيد
لكن بالشبچ تختلف هيه



حمامة الفرت من ايدي ولاجت
وعليها الروح تتعـذب ولاجت
من امس لليوم لاحطت ولاجت
ولا الها جدم بــرض الوطيه


مشيت وشوككم عتني وردني
مسحت الدمع بجفوفي وردني
اذا مكتوب من عدكم وردني
مثل ميت ترد الروح بية


اعطش گلبي اعله شوفك ماتورده
وحته اخبار منك ماتورده
اذا غصني بربيعك ماتورده
بخريفك شنتظر غير المنيه


نخيت الله بحسن عطفه يشملاك
وعطر من طيب جناته يشملاك
عسى لا بالحشر ربي يشملاك
وتصير الجنه دارك دوم هيه



يبنية حسي بحبي وشعري
وگلبي شيب بهجرچ وشعري
لغيرچ ما يصح نثري وشعري
ولو كل الشعر ما يوفي اللي بية



ضوينة بسنة المهاجر سفرنة
لباب البحر كلطنه سفرنه
اذرة ودخن ما جرن سفرنه
سيل ضيوفنة بسنة الردية


تمر وعلي ساترهه بختهه
حچت ونار البگلبي بختهه
بخت من كال بدلهه بختهه
شلون الذهب والفضة سوية



انا الواضح والمبين ولاخاف
وانا لمارجفن جدامي ولاخاف
وانا المانكص وزني ولاخف
اختفيت وخفت خف وزن العليه



حميتك دافعت عن ورحماك
الطعن اهون ولالوذن ورحماك
كلت اوليك ماعوفك ورحماك
وليت وطيبيتي عمت عليه



اسمك دوم بلساني ورد بيه
وعلى دربك كمت رايح ورد بيه
كل ضني الصخر يطلع ورد بيه
اشمه ويخف كل الهم عليه



احذر ياقلب تسمع وعدهن
شكثر دكات احسبهن وعدهن
يضل الفكر هاجرني وعدهن
بعكل مجنون مدري شصار بيه



على شلكم يهل عذال ينصاب
تعذلوني ودمع العين ينصاب
يطيب الي بضربة رمح ينصاب
لجن جرح اللسان البيه اذيه



صارلي سنين احبك وانت جاري
هلي منعوني وصـلك وانت جاري
الناس ورود خــده وانت جوري
خاف تذبل من الزمـك بين ادية



يمن هجــــرك بلب احشاي وسم
يخايب ليش بيـــه تبيع وتسم
اخير الروح بين الخنك والسم
السم والخنك رادتهن ســـويه


افتراضي محاورة عتاب بالابوذية
احباب الوكت عن عيني بعدكم
وسكاني الصبر حنظل بعدكم
اخبروني يضي عيني بعدكم
عالعهد لورتو لجنابيه


بعدنا نهيم برسومك بعدنا
شما دار الوكت بينا وبعدنا
اذا بالظيم حالتكم بعدنا
ترانا بغيبتك شفنا العذابيه

صاحب هالوكت النه ولادار
ولاكاع البعد تجمعنه ولادار
لا وكت الذهب مرنه ولا الدر
كضينه ايامنه ابهم واذيه



منو مثلي علية دارو خوانه
والدنيا اطلعت بس وياه خوانه
اخذ خاوة الزمن منه خوانه
وخلة الأخ ولا يعرف اخية



انه اتعلمت عالغدر روحي
وروحي وين ما تردين روحي
اذا طاب الج هذا الجسد روحي
وبعد ما تلكين شي يرهم علية




شلون الشاة ويه الذيب يربه
وصديجك لو توده دوم يربه
اليتيم العد شريجه شلون يربه
تسطرة ولا تكول عليه خطية



العنب من كال عالي ما طليته
والزمن ما خفت منه ما طليته
وجهي نفسة وجهي ما طليته
ولبست الجينكو لليمر بيه



انه اشا صحت بالصيف شارب
وانه من الزمان سموم شارب
شفت فلوس اجت طولت شارب
فلوسك وانته فدوة تروح اليه


دهري اليوم حشدهن سرايه
سرن بالروح واتنطر سرايه
هو الشيب من يعلك سرايه
رفع اعلان حتما للمنيه


حاير واطلب الدربي دلاله
وكتي بنار خلاني دلاله
يربي اشلون مرمرني دلاله
تهت وانه الدليل اشلون بيه


اجانه العيد واحنه احباب عدنه
مضينه ومن جديد انكول عدنه
اليريد ادروس عن الوفا عدنه
نعلمه بلا ثمن وبلا هدية


شد وياي دهري وجمع حلفه
حتى الراد يرحم كام حلفه
جنت صاج وصرت ياحيف حلفه
كبرت ومابعد تنفع قضيه


هنجل كلبي من شافك .......... ودرباك
وحرت شلون اعلمنــــك ......... ودرباك
كضيتة زحوف شارعكم .......... ودرباك
زلغت الركب وعكوس ادية



العشك يهديب عمري ........... كلفاني
وحبنة بغير حبكـــــم .......... كلة فاني
سهمك من رميتــــة .......... كل لفاني
شك صدري وجزاني ورد علية



حبيبي انة منــــــــك ......... ونتة مني
وحس كلمن يون لك ........ ونتة مني
اجت احزان دهــــرك ........ وانتمن لي
وصرت يفلان مأوى لكل رزية



شكثر انة احسب لجيتك ........ وعدلك
وسهرت الليل اتانـــــــي ........ وعدلك
اريدن بيدي اعوجنــــــك ........ وعدلك
وعدلك لو متت مابين ادية



ابد ما اصطبيلــك .............. وانتبهلك
واحذر حيل مني ............. وانتبه لك
انة بأهلي ازامط ............. وانتة بهلك
واذا اهلك زلم هدهم علية



الاحبة روحي بروحة .......... مذابة
زعل وياي لـــو ادري .......... مذابه
ذبني بلا سبب وانة .......... مذابه
هجرني وصاح حبك بس اذية



عليكم من سلام الله .......... ورحمة
وحن عالكلب مــــــرة .......... ورحمة
اذا رايد اجر انــــــــــت ......... ورحمة
تعال انطيني بوسة وحن علية



اجيك بلهفة اتعنة ............. وهملك
ولتضن يوم املنك ............. وهملك
اذا ضنيت متأكـــد ............. وهم لك
لان ميصح متوهم صافي نية



كلمن كال سوف اعمل ........ وسبني
جنة بحجية شتمنـــي ........ وسبني
اكلة من الوطن اطلــع ........ وسبني
انة ابني الوطن بثنين ادية



الفكر من عقلي طار .......... شتمني
وعليك الما يشتمـــن .......... شتمني
بعد هالذل يروحــــــي ......... شتمني
تمنيت روحي تاخذها المنية



طبع اليحفر بصحـــــــــراء ........ يعراك
ومن طبع الشجر بالطين ........ يعراك
ومن طبع العراقي يصيح ......... يعراك
الك يغدي العمر فدوة وهدية



عطشان علة جرفك ليش ........ يماي
كل خصلة منكظهة تصيح ........ يماي
بعيد ابعد بعد لا تلفــــــي ........ يماي
اذا تلفي اشك ثوب العلية



بحجيك ليش بس وياي ........ شطيت
نطيتك دمع عيني تكول ....... شطيت
انة بدمع العيون اشطوط ....... شطيت
وصب دجلة وفرات بين ادية


الجميلة عليك لو مـــــــرت ....... قف لهة
قصيدة عشك من تمشي ....... قفلهة
احلفك كون من توصــــــل ....... قفلهة
تقفلهة بالف سركي علية



بت كلبي انكطع بلتك ....... وبتكم
ردت اندلة شارعكـــم ....... وبتكم
واجي خطاب لبتكـــم ....... وبتكم
غصبن عالعشيرة اخذهة الية



الحب بحجر سجيــــــــل ...... رجماي
ودمع لجفن فوك الوجن ...... رجماي
حبيبي لو طلب فد يوم ...... رجماي ( رقماي )
نطيتة الرقم والهاتف سوية



زوج طيور حبنة صفــــــن ......... بس تك
وصرنة للشماتة علـــــج ......... بستك
ما ادري شجاني وكمت ........ بستك
اعذرني عالجرالك مو بدية


يحلوة عيوني انتي ......... ونتي رمشي
لتزعليني منــــــج .......... ونه ترة امشي
راح انطيج رقمــــي ......... ونتي رمشي
بس يرمش اتصل مية بالمية


احبج حب جنــــــون ......... موطبيعي
وبطلي ابييع ثكلـــج ........ موطة بيعي
طبع الشهم طبعــي ....... موطبيعي
اغدر وانثني بسابع ثنية



صرت للدهر صكلـــــة ....... ونتة لاكة
وفرح مالاك اليــــــــــة ...... ونتة لاكة
يريت الوكت يفتـــــــر ........ ونتلاكة
احضنك والحضن موساد الية


العشك كاروكة يامة ............. لولة بية
وفرني شلون فـــرة ............. لولبية
احبهة وحبها خلـــة ............. لولة بية
ارجف لون طاري الحب مر علية


الك طوبة الليالي ........... ناولني
وعلى هجرك أأكد .......... ناوي لني
اذا يس ترضة ذلي ......... ناو لني
وما ارضة اذا حبك اذية



ورد قداح اهديلــــــــــك ......... وجوري
وريدن ضيمي احجيلك ......... وجوري
موجر والعشك كمـــــل ......... وجوري
وشبه بركان حبك صار بية
القلب الابيض غير متصل


تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه


تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه


همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية


بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه


وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه


عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه


تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

روحي من الهجر عجزت ولابت
حلفت بدار ماأنزل ولا بيت
ذكرك مابقى ب***ي ولا بد
انكطعت من كطعت الوصل بية

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.


وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه



الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه


احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
القلب الابيض غير متصل


بك ربطني وعمره منحل
مثل اللغزحاولت احله منحل
نحله واذبلك عسل من غير منحل
يلي انت احلى من العسل والسمسميه



يدهري شبيك بالله من صفاتي
صافي وجذب تلكه من صفاتي
الوفه والخير والحب من صفاتي
وصفات الكرم كلهن ذني بيـه



غرامك فتت المهجه وسلها
وسهم غدرك مرد روحي وسلها
نجوم ليلك حلفها وسلها
ماحب غيرك لاخر نفس بيـه



حبك بالكَلب حافر وناقش
وصرت نيران تحركَني وانا قش
اريد اكَعد وياك احچي واناقش
واكَلك لشوكت تقسي عليه



احبك واعتذر منك وناسف
جمال ابروحك امغربل وناسف
احط ابروحي تي ان تي وناسف
وافجر روحي اذا تزعل علية



المصبح انشده عليك والماس
عزيز واغلى من الذهب والماس
لون اكعد سويعة وياك والماس
ذرة فكارك ابره من المنية



رضيت بشينك وزينك وعابيك
وگلبي ما وعة بغيرك وعة بيك
اشور بيك تدريني واعابيك
عجب وانتة تريد تخون بية

ألك كل يوم أني أتعنه وصل بيك...
عنادك ويــــن يبنادم وصل بيك...
حبيبي وشايل بجيبي وصل بيك...
وبيك باجر ينطوني هوية

بيه جروح يصعب علي شلهة
وجور الوكت كل عضاي شلهة
الدنية وياي من غايات شلهة
خذت حيلي وبعد شتريد بية

عيوني من السهر مالت وسالت
وعليه احباب مانشدت وسالت
الف دمعه الجرت مني وسالت
ولا دمعه الجرت منكم عليه

نهار

دمعي عليك يجري انهار * وانهار
وجبل حبنه بجفاكم طاح * وانهار
اظل اسئل عليكم ليل ولنهار
حمامة شوگ ونتها شجيّه


سر وحزن غامض من تمرني
احبك واحب امرك من تمرني
شفيدك بله كَلي من تمرني
انا أمرمر ابشرك شلك بيــه


يون كلبي عليك * او ونته سكته
اذا تكدر تهيده * وانته سكته
اذا انتَ القطار وانته سكته
اظل متاني لمن تمر بيه


احبك واموت لو تحب غيري
تراويني الهضم وتكلي لا تغيري
ومن اعتب واكولن تكلي غيري
تروح تروح وهم ترجع اليه


أحبابي شلون حالتكم بعدنا
اشبدينا والوقت عنكم بعدنا
إذا انتم نسيتونا ترانا بعدنا
نذكركم كل صباح وكل مسيه



كياني لمشيتك يهواي * سلم
سلمنا عليك شبيك * سلـــم
وكبل جفوفي كلبي عليك * سلم
وگلب گلبي وگف طگلك تحية



عليك الحال ما ظل حال بعدك
وعليك الدمع خالص نزف بعدك
اجاني الموت وانت بهجر بعدك
تحب الموت اظن انت اليـــــه




سجاجينك بنص حشاي / لاحن
وعزف عود بدليلي الـــــك / لاحن
شنو گلبك صخـر .؟ لا سئل / لاحن
وانه كلبي نترس ضيم واذيـــه




انه بالهم شفتهه نجوم ظهراي
وبالحزن انكسر يا ناس ظهراي
صحت كافي بعد يا روح ظهراي
المن باقيه بدنيا رديه




العتب على الروح العتب عليها
تمشي وره الي جان يكذب عليها
امنت بي وانطيته عمري وراح عليها
والدمع تحت عيني وعليه



انا المالوم صارلي نهارين
ويدمع العين عالوجنة نهارين
ان كان الحب يا عيني نهارين
اعوف الزين واعيش باذية


تنيتك عالدروب وليش ماجيت
ونار البعد بلب احشاي ماجت
انا لولا حبيبي كان ماجيت
ولا عشت الليالي بونة خفية

اتدري
نخيت اعليك اهل الكنيسة والدير ...
يلي تصد عني الوجه واتدير...
لك هاي الدنيا تجيها ايام واتدير...
وتاليهه ترد ابدمعتك علية...




صرت يمك عجب مذموم حالي...
تسألني على حالي ؟اشلون....حالي...
تعب كلش حبيبي اعليك ... حالي
اطيبن لو تحط ايدك علية...




روى المن دمعي ولا راك...
والغيرك مانحل جسمي..ولا راك
اخاف اتطول غيبتكم ...ولا اراك
وقبل وصلك تبادرني المنية.....




حياتي عكب شخصك ...شلي بيهه
وجميع اعضاي صارت ...شلة بيهه
توديلي رسايل...؟ شلي بيهه
اريدن شوفتك ونكعد سوية



اضل انطر خيالك وفطر
غيابك للكلب هدم وفطر
صايم كظيت العمر وفطر
اذا شخصك يمر يا روحي بيه


سل سيفي لوكات الضيج واحد
واحط ثايه لطراف الصبر واحد
وحك الي تعرفه الناس واحد
النوايب ما لونلي ذراع واثنين
ولا شكرن طويل ضناي واثنين
لون واحد الجرح البيك واثنين
دليلي بكل وكت يصرخ ثلاثه
بخميسه وجمعته وسبته وثلاثه
اثنين اعيوني ما صارن ثلاثه
لان افديك من تنقاس بربع
عزيز وذكري الك بالكلب بربع
جمال الناس لو ينقاس بربع
ثلت ارباع ومن الربع خمسه
الك يامن جمالك صاغ خمسه
وحك اليرفع باليوم خمسه
جروحي جاوز جروفه وسته
رغم صبري بمعلمته وسته
سنين ثمانيه وسبعه وسته
بغرامه مفرهد كليبي وسبعه
وبكه بعمري سنين اثنين سبعه
عرفنه ايام كل اسبوع سبعه
تضن بالكون شفنه اسبوع بثمان
وتضن دم الجفن ينباع بثمان
ثمنتك بروحي وشفت بثمان
لان انت بلهيب الشوك تسعه
وجروحي من الزغروياي تسعه
زلم كلنه ترانه ولد تسعه
ولا واحد ملك بالكون عشره
ورخيص الي يبيع برخص عشره
حسن يوسف اله مقياس عشره
وجمالك تسعه منه وتسع ميه


نسيت وتيهت روحي وهم بيك
خويت وضيعت ناسي وهم بيك
وحسافة العمر كضيتة وهم بيك
طلعت جذاب وتلعب علية.....



أحب ابلادي ماحبن بلادين
كافر ولنكر دينه بلادين
انه ماامد ايدي بالغربه بلادين
أخاف الغربه تاخذ حتى اديه


الوكت تعبني والمصرف والايجار
والغيري الدهر منصف والي جار
الى صاحب ردت ودة والى جار
يواعدني يجي ومامر علية


انتظر ردوودكم انتظرووووووو المزيد ان شاء الله



تحياتي حسام البصراوي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ارقى الابوذيات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عيون كركوك :: المنتديات الادبية :: منتدى الشعر الشعبي-
انتقل الى: