طريقة :: اعادة الترشيح ::: للقبول المركزي 2011-2012

السلام عليكم

يارب الكل بخير

اخوان اكو طلاب طلعلها القسم الي ابالها وهي مرتاحة ... واكو طلاب انظلمت شوية بسبب القبولات وطريقة ترتيب الاستمارة الالكترونية او غيرها

المهم

اعادة الترشيح في الانتظار ... واحنا دا ننتظر قرار الوزارة في اعادة الترشيح للذين اخطأو في ملىء استمارة القبول او الذين انظلموا في القبولات

وهذا القرار سيصدر هذه الايام ان شاء الله وهو قرار حتمي لا محالة ... ان شاء الله

والطريقة ستكون مشابهة للعام اعتقد حيث يحق اعادة ترشيح لمن لا يقل معدله عن 70 % للفرعين العلمي والادبي اما الي اقل من هذا المعدل لا يحق له اعادة الترشيح

والطريقة تكون من خلال استمارة رح تكون اما على موقع الوزارة او رح تكون عبر مركز التسلم والارشاد كلا في محافظته يعني مراكز التسلم والارشاد هي الي رح تكون بيها استمارة اعادة الترشيح او رح تكون في الموقع حسب ما متوقع وهي قريبة من تعليمات العام الماضي ان شاء الله

اما الطريقة فهي : نفرض انت انقبلت بكلية حدها الادنى للقبول هو 560 وتريد اتحول الى كلية حدها الادنى هو 615 واانت معدلك هو 617 فيحقلك اسوي اعادة ترشيح لهذه الكلية الي معدلها 615 وحتى لو انت من غير محافظة بس المهم ادقق الكلية الي ابالك تقبل معدللك لو لا حتى لو بغير محافظها بس المهم تقبل معدلك وتكدر اسويلها اعادة ترشيح .
ملاحظة : خلي ال 14 على صفحة ولتفكر بيها في اعادة الترشيح الا اذا ردت اسوي اعادة على محافظتك بس املها قليل

وهاي كلها مقاربة للعام ان شاء الله ..... والكل تتوقع صدور اعادة الترشيح ومن الاسباب انو هاي الاستمارة الالتكرونية اول مرة تصير بالعراق فعدهم علم ان اكثر الطلاب سهوا في طريقة ملىء الاستمارة ولان الطريقة غريبة واعتقد هذا سبب ايضا الي يخليهم يصدرون قرار اعادة الترشيح

واني متابع ان شاء الله واي مستجد انقلة الكم ان شاء الله

ان شاء الله فدتكم

يارب وفق الجميع لما تحبه وترضاه